மிகவும் எளிமையாக தயாரிக்கக்கூடிய இந்த அமிர்த கரைசலை இயற்கை விவசாயம் செய்பவர்கள், மாடித் தோட்டம், வீட்டுத்தோட்டம் வைத்திருப்பவர்களும் எளிமையாக தயாரித்து பயன்படுத்தலாம்.

அமிர்த கரைசலின் பயன்கள்

• பயிர்களில் தெளிக்கும் போது அவை நன்கு செழிப்பாக வளரும் தன்மை பெறுகிறது.
• மண் வளத்தை அதிகரிக்கிறது.
• வறட்சி தாங்கும் தன்மை பெறுகின்றது.
• கொடிவகை காய்கறிகளில் தெளிக்கப்படும் போது பெண் பூக்கள் எண்ணிக்கை பெருகி மகசூல் அதிகரிக்கும்.
• அதிக மண்புழுக்கள் மண்ணின் மேல்பரப்பை நோக்கி வரவைக்கும்.
• செடிகளின் வேர் வளர்ச்சி அதிகரிக்கும்.
• பூ உதிர்தல் முற்றிலும் தடுக்கப்படும்.
• பூச்சி தாக்குதலை கட்டுபடுத்தும்.

அமிர்த் கரைசல் தயாரிக்க தேவையானவை

பச்சை பசுஞ்சாணம் -10 கிலோ / பசு மாடு ஒருமுறை போட்ட சாணம்
பசுவின் மூத்திரம் -10 லிட்டர் / பசு மாடு ஒருமுறை பெய்த மூத்திரம்
நாட்டு சர்க்கரை -250 கிராம் / ஓரு கையளவு வெல்லம் / நாட்டு சர்க்கரை
தண்ணீர்

அமிர்த் கரைசல் தயாரிக்கும் முறை

• பசுஞ்சாணம் மற்றும் கோமூத்திரம் இரண்டையும் ஒரு பிளாஸ்டிக் வாளியில் / சிமெண்ட் தொட்டியில் எடுத்துக் கொண்டு அதில் ஒரு கைப்பிடி வெல்லம், ஒரு குடம் தண்ணீர் ஆகியவற்றை சேர்க்க வேண்டும்.
• மாட்டுச்சாணம் புதிதாக இருக்க வேண்டும். கோ மூத்திரம் பழையதாக இருக்க வீரியம் அதிகமாக இருக்கும்.
• பின் இவற்றை நன்கு கலந்துவிட வேண்டும்.
• 24 மணி நேரம் நிழற்பாங்கான இடத்தில் மூடி வைக்க வேண்டும்.
• 24 மணி நேரத்தில் தயாராகும் கரைசலே அமிர்த கரைசல் ஆகும்.

பயன்படுத்தும் முறை

• ஒருமுறை தயாரித்த கரைசலை மூன்று நாட்களுக்கு வைத்து பயன்படுத்தலாம்.
• வாரம் ஒரு முறை அல்லது பதினைந்து நாட்களுக்கு ஒருமுறை செடிகளுக்கு தெளிக்கலாம்.

• ஒரு பங்கு கரைசலுடன் 10 பங்கு தண்ணீர் சேர்த்து பயிர்களுக்கு தெளிக்க வேண்டும்.
• தெளித்த 24 மணி நேரத்தில் நுண்ணுயிர்கள் மண்ணில் பெருகும்.
• செடிகளில் / பயிரில் உள்ள நோய் / பூச்சி தாக்குதலை போக்கும்.

மேலும் எளிமையாக தயாரித்து பயன்படுத்தக்கூடிய பல இயற்கை உரம் மற்றும் இயற்கை பூச்சி விரட்டிகளை தெரிந்துகொள்ள இங்கு இணையவும் – இயற்கை உரம், பூச்சி விரட்டி.

மேலும் பல இயற்கை வளர்ச்சி ஊக்கிகள், பூச்சி விரட்டிகளுக்கு